"Arsenal" bosh murabbiyi Mikel Arteta himoyachi Ben Uaytning jarohatlanganini tasdiqladi. 28 yoshli ingliz futbolchisi APLning 16-turida "Vulverxempton"ga qarshi o‘tkazilgan uy o‘yinining (2:1) birinchi bo‘limida almashtirildi.
"U tizzasidagi oldingi muammo tufayli ko‘p daqiqa o‘ynay olmadi. U o‘yin formasiga kira boshlaganida, boshqa ilojimiz bo‘lmagani uchun ko‘p o‘ynashiga to‘g‘ri keldi. Hatto bugun Villini (Vilyam Saliba - tahr.) tavakkal qilishga majbur bo‘ldik, chunki uning uchun 90 daqiqa o‘ynash eng yaxshi g‘oya emasdi", - dedi ispaniyalik murabbiy matbuot anjumanida.
2025/26 yilgi mavsumda Uayt barcha musobaqalarda 11 ta o‘yinda ishtirok etib, 1 ta golli uzatma berdi. 2024/25 yilgi mavsumda esa u jarohatlar tufayli "Arsenal"ning 27 ta o‘yinini o‘tkazib yuborgan edi.