Biz uchun ahamiyatlisi, turnir doirasida charm qo'lqop ustamiz Ruslan Abdullaev o'zining prof ringdagi to'rtinchi jangini o'tkazdi. Hamyurtimiz urugvaylik Eduardo Xaver Abreuga qarshi ringga ko'tarildi. Sakkiz raundga mo'ljallangan jang beshinchi raundda referi tomonidan to'xtatildi. Ketma-ket kuchli zarbalardan so'ng Eduardo nokdaun holatiga tushib qoldi.
SHu tariqa, Ruslan Abdullaev texnik nokaut evaziga professional boks faoliyatidagi to'rtinchi g'alabasini qo'lga kiritdi. 37 yoshli Eduardo Xaver Abreu esa ikkinchi mag'lubiyatini qabul qilib oldi. Uning hisobida 18 ta jangdan 14 g'alaba va 2 durang ham bor.
