30 mart kuni Jizzax shahrida Evolution Boxing Promotion promouterlik kompaniyasi tomonidan prof boks oqshomi o'tkaziladi.
Uning doirasida jizzaxlik bokschimiz Bobousmon Baturovning ham ringga ko'tarilishi malum bo'ldi. Unga yana bir hamyurtimiz — SHohrux Ashurov raqib bo'ladi. Jang super yarim o'rta vazn toifasida (69.9 kg) tashkil etiladi.
Takidlash joiz, Baturov prof faoliyati davomida hozirga qadar 6 ta jang o'tkazib, 4 ta g'alaba va 2 ta durang qayd etgan. Bobousmon o'zining oxirgi jangini o'tgan yilning oktyabr oyida qirg'izistonlik Jarkinbek Jakipbek uuluga qarshi o'tkazib, ochkolar hisobiga ko'ra g'alaba qozongan edi.
