Yilda bir bor nashr etiladigan ushbu reytingda 150 nafar sportchi o'rin olgan, "El Matador" esa ushbu ro'yxatda 41-o'rinni egallab turibdi. Jang sanatlari sohasidagi unga eng yaqin taqibchi britaniyalik bokschi Entoni Joshua bo'lib, u 52-o'rinni band etgan. SHuningdek, ispan-gruzin jangchisi Saul "Kanelo" Alvares (61), Xamzat CHimaev (62), Aleksandr Volkanovski (93), Tayson Fyuri (100), Aleksandr Usik (109) va Maks Xollouey (136) singari sport yulduzlarini ortda qoldirgan.
Nashr malumotlariga ko'ra, dastlab 1202 nafar sportchi tanlab olingan, so'ngra ro'yxat 247 nomzodgacha qisqartirilgan. Bunda 2025 yil 1 iyuldan 2026 yil 30 iyungacha bo'lgan davrdagi malumotlarga tayanilgan. Bu esa Topuriyaning Oq uy UFC turnirida Jastin Getjiga imkoniyatni boy bergani uning o'rniga tasir qilmasligini bildiradi.
Sportchilar uchta asosiy toifaga birlashtirilgan 27 ta mezon bo'yicha baholangan:
Brendning kuchi (Brand Equity): Sportchining brendi hozirda qanchalik kuchli, tan olingan va ishonchli?
O'sish dinamikasi (Momentum): Sportchining tijoriy qiymati qanchalik tez o'smoqda?
Tijoriy istiqbollar (Commercial Trajectory): Kelajakda tijoriy o'sish uchun qanchalik katta potencial mavjud?
Topuriya brend kuchi uchun 45 ballning 20.16 tasini, o'sish dinamikasi uchun 40 ballning 33.21 tasini va tijoriy istiqbollar uchun 15 ballning 7.74 tasini olgan. Natijada uning yakuniy bahosi 100 ballning 61.11 tasini tashkil etgan.
Reytingni 80.95 ball bilan belaruslik tennis yulduzi Arina Sobolenko boshqarmoqda.
Takidlash joizki, 2017 yilda ushbu reytingni Entoni Joshua boshqargan edi, u Vladimir Klichkoni og'ir vazn bo'yicha IBF, WBA va IBO chempionlik kamarlarini birlashtirgan jangda mag'lub etgan edi.
