“Bank Arena” majmuasida o'tkaziladigan ushbu dunyo birinchiligida sayyoramizning 60 davlatidan kelgan jami 500 nafardan ziyod bokschi medallar uchun ringga ko'tariladi. Janglarning saralash va 1/4 final bosqichlari 4-10 sentyabr kunlari oralig'iga belgilangan. 12-13 sentyabr kunlari 1/2 final janglari o'tkazilsa, finallar 14 sentyabr kuni bo'lib o'tadi.
Jahon chempionati favoritlaridan hisoblangan O'zbekiston terma jamoasi Angliyaning SHeffild shahrida o'tkazilgan o'quv-mashg'ulot yig'inini yakunlab, jahon chempionati o'tkaziluvchi Liverpul shahriga etib bordi.
Terma jamoa tarkibi:
-50 kg: SHodiyorjon Meliqo'ziev
-55 kg: Mirazizbek Mirzaxalilov (Jahon chempioni (2019), Tokio-2020 Olimpiadasi ishtirokchisi)
-60 kg: Abdumalik Xalokov (Parij-2024 Olimpiadasi chempioni, jahon chempioni, Osiyo o'yinlari g'olibi)
-65 kg: Asadxo'ja Mo'ydinxo'jaev (Parij-2024 Olimpiadasi chempioni, jahon chempioni (2023)
-70 kg: SHavkatjon Boltaev
-75 kg: Fazliddin Erkinboev
-80 kg: Javohir Ummataliev
-85 kg: Akmaljon Isroilov
-90 kg: To'rabek Xabibullaev (Osiyo o'yinlari sovrindori, Parij-2024 Olimpiadasi ishtirokchisi)
+90 kg: Jahongir Zokirov
"Ko'rishguncha". UFC chempioni Ulberg Aleks Pereyra bilan jang qilish istagini bildirdi