Britaniya matbuotiga ko'ra, Dyubua ushbu jang uchun 1,8 million dollarga yaqin kafolatlangan gonorar olgan. Bu summa pullik translyaciyalarni sotishdan tushgan daromadni hisobga olgandan keyin sezilarli darajada oshishi mumkin. Ammo hatto ularni hisobga olganda ham, bu Entoni Joshua (8,4 million) va Aleksandr Usikka (71 million, shu jumladan PPV sotuvidan olingan foiz) qarshi janglar uchun gonorarlar bilan solishtirganda ancha kam bo'ladi.
Fabio Uordlining gonorari pullik translyaciyalar sotuvidan olingan foizni hisobga olmaganda taxminan 680 ming dollarni tashkil etdi. U xuddi shuncha pulni Jozef Parkerga qarshi jang va Freyzer Klark bilan revansh uchun olgandi. Uning Jastis Xuni bilan WBA vaqtinchalik chempionligini qo'lga kiritgan jangi uchun gonorari biroz kamroq - 610 ming dollar edi.
Eslatib o'tamiz, Britaniya qonunlariga ko'ra, har bir bokschi o'z gonorarining 47 foizini soliq xizmatiga topshiradi (45 foizi yiliga 125 ming funt sterlingdan ortiq daromad solig'i, yana 2 foizi sug'urta badallari).
