Hodisa 2024 yil 31 dekabrda bokschi Las-Vegasdagi qimmatbaho do'konlardan biridan soat sotib olganida sodir bo'lgan.
Sud yozuvlariga ko'ra, do'kon joriy yilning aprel oyi oxirida Meyvezer ustidan davo qo'zg'atgan va dushanba kuni bokschining advokati ishtirok etgan birinchi sud majlisi bo'lib o'tgan.
Davogarning takidlashicha, Meyvezer hisob raqamida pul etarli emasligini bilgan holda chek yozgan, shuningdek, uning evaziga sotuvchi chek bo'yicha pulni olmasligini bilgan holda mol-mulk olgan.
Meyvezerning advokati ESPN telekanaliga uning mijozida firibgarlik niyati yo'qligini, u voqeadan oldin va keyin do'kon egasi bilan shartnoma tuzganini va do'kon egasi fuqarolik sudiga murojaat qilishi kerakligini aytdi.
"Bu ish jinoyat ishlari bo'yicha sudda ko'rilmasligi kerak. Janob Meyvezer sud jarayonida oqlanishini kutmoqda", - dedi advokat.
SHuningdek, u Meyvezerning yashash joyini tark etishi taqiqlanmaganini va navbatdagi majlis 17 sentyabrga belgilanganini malum qildi. Floyd 27 iyun kuni Afinada Mayk Zambidisga qarshi ko'rgazmali jang o'tkazadi.
Meyvezerga ikkita jinoiy ayblov qo'yilgan. 1200 dollardan ortiq miqdordagi firibgarlik uchun u bir yildan 4 yilgacha qamoq jazosi va sud xarajatlarini qoplash bilan 5 ming dollargacha jarimaga tortilishi mumkin. 100 ming so'mdan ortiq o'g'irlik uchun esa bir yildan 20 yilgacha qamoq va 15 ming dollargacha jarima. Amerika qonunchiligida ayblovning barcha isbotlangan bandlari bo'yicha jazolar qo'shiladi.
"Uni muammosiz mag'lub etaman". Makgregor - Getji bilan ehtimoliy jang haqida gapirdi
"Iliya bu jangda g'alaba qozonish uchun o'lishga ham tayyor edi" - Topuriyaning akasi
Meyvezerni qimmatbaho soatlarni o'g'irlashda ayblashmoqda. Jazo 20 yilgacha qamoq bo'lishi mumkin!