Nigeriyalik aralash yakkakurash ustasi navbatdagi jangini o'rta vaznda sobiq chempion Drikus Dyu Plessiga qarshi o'tkazishi aytilmoqda. SHu yilning iyul oyiga mo'ljallangan jangni ishlab chiqish haqida vaziyatga yaqin bo'lgan manbalar xabar berdi.
Kamaru Usman so'nggi jangini o'tgan yilning iyun oyida o'tkazgandi. O'shanda u Xoakin Baklini hakamlarning yakdil qarori evaziga mag'lub etgan edi. Bungacha Usman 2023 yil oktyabr oyida o'rta vazn toifasida Xamzat CHimaev bilan jang o'tkazib, ochkolar hisobiga ko'ra imkoniyatni boy bergandi.
Drikus Dyu Plessi esa o'tgan yilning avgust oyidan beri oktagonga chiqmayapti. Drikus oxirgi jangida hakamlarning yakdil qarori bilan CHimaevga yutqazib, o'rta vazn toifasida UFC chempionlik kamarini boy bergan edi. Bungacha janubiy afrikalik jangchi tashkilotda mag'lubiyatsiz kelayotgandi. Ketma-ket to'qqizta g'alaba va ikki chempionlik himoya jangidan keyin Xamzatdan engilgan edi.
Maddalena Pratesga qarshi! UFC Australia turniri ishtirokchilari vazn o'lchash marosimidan o'tishdi
Merab Dvalishvili Pyotr Yanga qarshi uchinchi jangni qachon o'tkazmoqchi ekanini aytdi