Musobaqaning ikkinchi asosiy jangi havaskor boksda yozgi Olimpiya o'yinlari g'olibi, o'zbekistonlik Lazizbek Mullojonov va Venesuela vakili Luis Xose Marin Garsiya o'rtasida kechdi.
Og'ir vazn toifasidagi WBC Eurasia kamari uchun o'tkazilgan bellashuvda Mullojonov muddatidan avval zafar quchdi. Hakam jangning uchinchi raundi davom etayotgan bir pallada raqib hisobida ogohlantirishlar ko'paygani tufayli bellashuvni to'xtatdi va bu holatda Lazizbek g'olib deb topildi.