"Hozirda oktagonga qaytishni rejalashtiryapman. Ichimda hammasi tugaganini his qilmayapman, lekin men hali qila oladigan ishlarim uchun emas, balki allaqachon qilgan ishlarimga tovon sifatida rag'bat puli olishga loyiq bo'lgan vaziyatdaman. UFC 300, UFC 324 va endi bu turnir. Bu eng yirik tadbirlar bo'lib, UFC`ga ajoyib narsalarni ko'rsata oladigan odam kerak edi. Va har safar ular meni tanladilar va har safar men umidlarni oqladim.
UFC 300`da men asosiy jangda emas, balki asosiy jangda edim, ammo mag'lubiyatga qaramay, baribir shouni "o'g'irladim". SHu bois men qilgan ishlarim uchun mukofot olishim kerak deb hisoblayman. Mana mening poziciyam. Gap shundaki, UFC passiv daromad olishim uchun kompaniya tashkil qilishi va menga ulush berishi kerak. Men hech qachon biror narsa so'raydigan odam bo'lmaganman. To'g'risini aytsam, bunday narsalarni menga so'ramasdan taklif qilishlarini xohlardim, chunki odamlar bu munosib baholanishini shundoq ham tushunishadi", - dedi Jastin Jo Rogan bilan suhbatda.
Bir hafta oldin Jastin Getji Oq uy yaqinidagi turnirda Iliya Topuriyani muddatidan oldin mag'lub etib, "El Matador"dan engil vazn toifasida UFC chempionlik kamarini tortib olib, aralash yakkakurashlar tarixidagi eng katta shov-shuvlardan birining muallifiga aylandi.
