Musobayada ikki karra Olimpiya o'yinlari chempioni, o'zbekistonlik super og'ir vazn bokschisi Bahodir Jalolov britaniyalik Solomon Dakresga qarshi ringga chiqdi.
Super og'ir vazn toifasidagi 10 raundlik bahs to'liq davom etdi. Yakunda Bahodir raqibini hakamlarning yakdil qarori bilan mag'lubiyatga uchratdi. Big Uzbek raqibini beshinchi raundda nokdaun holatiga ham tushirib qo'ydi.
Jalolov bungacha so'nggi jangini 2026 yil may oyida Agron Smakichiga qarshi o'tkazib, texnik nokaut evaziga g'alaba qozongandi. Hamyurtimizning professional ringdagi rekordida endi 18 ta g'alaba mavjud, shundan 15 tasi nokaut bilan qo'lga kiritildi.
Solomon Dakres esa bungacha oxirgi bor 2025 yil iyul oyida Vladislav Sirenkoga qarshi jang qilib, hakamlarning yakdil qarori bilan g'alaba qozongandi. Britaniyalik bokschi hisobida endilikda 10 ta g'alaba va 2 ta mag'lubiyat bor.
Londondagi boks oqshomining markaziy bellashuvi ikki britaniyalik charm qo'lqop ustalari — Daniel Dyubua va Fabio Uordli o'rtasida kechadi.
Madrimov o'z o'rnini saqlab qolgan The Ring reytingining kuchli uchligida o'zgarishlar bo'ldi
