«Bavariya» hujumchisi Xarri Keyn Germaniya chempionatining 4-tur uchrashuvida uchta gol urdi. Angliyalik forvard o‘z jamoasiga «Xoffenxaym»ni 4:1 hisobida yirik mag‘lubiyatga uchratishda yordam berdi.
Keyn hisobida Bundesligada «Bavariya» uchun 67 uchrashuvda 9 ta xet-trik mavjud. Ushbu ko‘rsatkich bo‘yicha u klub tarixida top-3 talikka kirdi va 310 o‘yin o‘tkazgan Karl-Xayns Rummenigge bilan tenglashdi.
Keyndan yuqori o‘rinlarda Robert Levandovski (14) va Gerd Myuller (32 xet-trik) joylashgan.
Stat Muse ma’lumotiga ko‘ra, Keyn Yevropa top-5 ligalarida 17 ta xet-trik bilan eng yaxshilar top-10 taligiga kirdi va Luis Suaresni (16) ortda qoldirdi.