Ma’lumki, UFCdagi ilk vakilimiz Mahmud Muradov ushbu promoushendagi 4-jangini 29 avgustda o‘tkazishi ko‘zda tutilgandi.
Bu voqelik rasman o‘z tasdig‘ini topdi va hamyurtimiz ushbu sanada AQSh vakili Jerald Myorshart bilan jang qiladigan bo‘ldi. Mazkur qarama-qarshilik "UFC ON ESPN 30" turnirida ro‘y beradi.
Myorshart faoliyati mobaynida 32 ta g‘alaba (UFCda 7 ta) va 14 mag‘lubiyat (UFCda 6 ta) qayd etgan. So‘ngi jangini polyak Bartosh Fabinskiga qarshi o‘tkazib, birinchi raunddayoq raqibini mag‘lub etgan. Yurtdoshimiz esa, 25 ta g‘alaba va 6 mag‘lubiyatdan iborat natijaga ega. U oxirgi bor, Endryu Sanchesni texnik nokautga uchratgan edi.
Biz mazkur jangga oid tayyorgarlik borasida Mahmud Muradovning fikrlari bilan qiziqdik.
- Barchasi yaxshi ketmoqda. Tayyorgarlik a’lo darajada. Jangga hozirlikni ko‘p qismini Evropada ya’ni, Chexiya hamda Polshada olib bormoqdaman. Bu erda o‘z jamoam bor. O‘ylaymanki, barchasi yaxshi bo‘ladi.
UFC Fight Night 280. Nursulton Ro'ziboev rus raqibi bilan bir xil vazn qayd etdi (To'liq natijalar)