"O'ylaymanki, bu ajoyib jang bo'ladi. Yen Gerri jiddiy raqib va jangchi. Ammo Islam har doimgidek jangni parterga o'tkazishga harakat qiladi. Agar u buni uddalay olsa, ustunlik uning tomonida bo'ladi. Agar Yen Gerri jangni tik holatda ushlab tura olsa, unda aynan u ustunlikka ega bo'ladi. SHunday ekan, bizni juda qiziqarli qarama-qarshilik kutmoqda.
Umuman olganda, Islam ko'nikmalar to'plami bo'yicha raqibidan ustun turadi, chunki u universalroqdir. U hamma narsani bajara oladi, ayniqsa kurash va greppling haqida gap ketganda. Bu komponentda uning yaqqol ustunligi bor va menimcha, u aynan shunga etibor qaratadi", - dedi afsonaviy kanadalik sobiq UFC chempioni.
Agar Maxachev chempionlik kamarini muvaffaqiyatli himoya qilsa, u ketma-ket o'n ettinchi g'alabasini qo'lga kiritadi va tashkilotning eng uzoq g'alabalar seriyasi bo'yicha rekordchisiga aylanadi. Biroq Sent-Perrning fikricha, rossiyalik yana bir tarixiy yutuqqa erishishi mumkin.
"Ehtimol, vaqt o'tishi bilan u o'rta vazn toifasiga ko'tarilib, uchta divizionda UFC chempionlari klubini ochishga urinib ko'radi", - deya qo'shimcha qildi afsona.
Eslatib o'tamiz, Islam Maxachev va Yen Machado Gerri o'rtasidagi chempionlik jangi 15 avgust kuni Filadelfiyada o'tkaziladigan UFC 330 turnirining asosiy voqeasi bo'ladi.
