Madridning "Atletiko" klubi Ispaniya chempionatidagi g‘alabali seriyasini davom ettirmoqda.
Bugun Diyego Simeone shogirdlari La Liganing 8-turi doirasida "Alaves"ni 2:1 hisobida mag‘lubiyatga uchratdi.
Madridliklar bunga qadar "Real Sosyedad"ni 3:0, "Osasuna"ni 4:0 va "Real"ni 2:1 hisobida yenggan edi.
Shu tariqa, "Atletiko" Ispaniya chempionatidagi g‘alabali seriyasini ketma-ket to‘rtta uchrashuvga yetkazdi.
Simeone jamoasi navbatdagi o‘yinini 13 oktyabr kuni Chempionlar ligasi doirasida "Manchester Yunayted"ga qarshi o‘tkazadi.
