Dunyoning eng kuchli Ligasi hisoblangan UFC ushbu turnirni o'tkazishda Kolumbiya okrugi Atletik komissiyasi bilan hamkorlik qilmoqchi emas, chunki tartibga soluvchi organ "federal er"da yurisdikciyaga ega emas. Bu jang natijalarining tadbir ishtirokchilarining rasmiy professional rekordiga kiritilmasligiga olib kelishi mumkin.
Bu haqda Atletik komissiya rahbari Endryu Xaf "Washington Post" nashriga bergan intervyusida malum qildi.
"Biz ushbu tadbir o'tkazilishi haqida hech narsa bilmaymiz. Kolumbiya okrugidagi har bir promouter bir xil standartlarga rioya qilishi kerak - u kichik kurash shousini yoki yirik tadbirni o'tkazishidan qati nazar. Meni vaziyat havotirga solmoqda. Agar kimdir "Malkolm X" bog'ida boks jangini o'tkazishga qaror qilsa, nima bo'ladi? Demak, ular ham bizga murojaat qilishlari shart bo'lmay qoladimi?", - dedi Xaff.
Xaffning so'zlariga ko'ra, tegishli ruxsatsiz janglar Kolumbiya okrugi Atletik komissiyasi tomonidan ruxsat etilmagan deb hisoblanadi, chunki komissiya jangchilar, menejerlar va promouterlardan tadbirlarni o'tkazishdan oldin licenziya olishni talab qiladi, UFC esa buni rejalashtirmayapti.
Liga allaqachon shouni, jumladan, barcha tegishli tadbirlarni, jumladan, vazn o'lchash marosimi, tibbiy ko'riklar, shuningdek, dopingga tekshiruvni mustaqil ravishda o'tkazmoqchi ekanini malum qildi.
